Merki hugmyndaráðs
20. febrúar 2012
Hugmyndaráð Laugarnesskóla efndi til samkeppni um merki hugmyndaráðs í janúar.Úrslit liggja nú fyrir. Margar góðar tillögur bárust og hafði dómnefnd úr vöndu að ráða en tillaga Unu Sigrúnar Zoëga í 3.S bar sigur úr býtum. Við óskum Unu Sigrúnu til hamingju með frábæra tillögu.
Á myndinni er Una Sigrún með viðurkenninguna fyrir merkið ásamt skólastjóra Laugarnesskóla Sigríði Heiðu Bragadóttur.
Nýtt merki Hugmyndaráðs.
Leiklistin blómstrar í Laugarnesskóla þessa dagana. Í dag fengum við að sjá þriðja hluta leikritsins um Talnapúkann. Það voru nemendur 1. bekkjar S sem sáu um að skemmta áhorfendum. Fjórði og síðasti hluti verður svo sýndur á föstudaginn en þá stíga á svið nemendur 1. K. Dýrleif Jónsdóttir samdi leikritið upp úr bókinni Talnapúkinn eftir Bergljótu Arnalds.
Nemendur í 1. L sýndu fyrsta hluta af leikritinu um Talnapúkann síðastliðinn miðvikudag. Þau eru búin að vinna mikið með tölur og bókina Talnapúkann eftir Bergljótu Arnalds. Dýrleif samdi leikrit fyrir alla fyrstu bekkina upp úr bókinni. Næstu hlutar leikritsins verða svo sýndir á næstu dögum.