Skólareglur - Laugarnesskóli

Skólareglur Laugarnesskóla

Í samræmi við 30. gr. grunnskólalaga

Í Laugarnesskóla er lögð áhersla á samvinnu allra sem starfa í skólanum til að byggja upp jákvæðan skólaanda. Undanfarin ár hefur verið unnið að innleiðingu á PBS sem er heildstætt agakerfi. Kerfið miðar að því að allir starfsmenn skólans komi að mótun og viðhaldi æskilegrar hegðunar í skólanum.

Skólareglurnar skólans eru aftur á móti byggðar m.a. á reglugerð um skólareglur í grunnskólum nr. 270/2000 en þar stendur m.a.:

2. gr
Hver grunnskóli skal setja sér skólareglur sem skylt er að fara eftir. Skólastjóri, kennarar og aðrir starfsmenn, nemendur og forráðamenn þeirra skulu í sameiningu kosta kapps um að starfsandi og skólabragur í skólanum sé sem bestur og eiga skólareglur að stuðla að því. Forsendur góðs starfsanda eru vellíðan, gagnkvæmt traust, virðing og samábyrgð allra í skólasamfélaginu.

Til þess að stuðla að góðum starfsanda í skólanum og að öllum líði vel er mikilvægt að hver og einn virði náunga sinn sem og sjálfan sig og trufli ekki aðra við vinnu sína.

Nauðsynlegt er að nemendur temji sér prúðmannlega framkomu, góða umgengni og virðingu fyrir eigum skólans og annarra. Ef upp koma vandamál vegna hegðunar nemenda er reynt að leysa þau í samvinnu við foreldra.

Ef ekki reynist unnt að leysa vandamál innan skólans er leitað annarra leiða í samvinnu við Menntasvið Reykjavíkur. Með agabrot er farið samkvæmt reglugerð um agabrot og skólareglur sem Menntamálaráðuneytið hefur sett.

Mynd af skóla

Tilkynningar

Áhugavert að skoða:

Við viljum benda á að netföng starfsmanna breytast í vetur. Hægt er að sjá þetta úr skólastarfi hægra meginn á vefnum, ef þið smellið á starfsmenn.